कपिलवस्तु — आगामी प्रतिनिधि सभा निर्वाचनको सरगर्मी बढ्दै गएसँगै, कपिलवस्तु क्षेत्र नं २ का रास्वपा उमेदवार विक्रमसिंह थापाले ४० हजारभन्दा बढी मत पाउँने दावी गरेका छन्।
देशभर रास्वपाको सक्रियता र चर्चा भइरहँदा, थापाले बताएका छन् कि यसपटक क्षेत्रका बासिन्दाले नयाँ नेतृत्व र सकारात्मक परिवर्तनको पक्षमा मतदान गर्नेछन्। उनले जनताले पुराना दल र नेताहरूलाई धेरै अवसर दिएको भए पनि अपेक्षित परिणाम प्राप्त नभएको उल्लेख गर्दै, सर्वसाधारणको विश्वास र आशा अनुसार काम गर्ने प्रतिवद्धता व्यक्त गरेका छन्।
थापाले थपे, “जनताको अपेक्षालाई केन्द्रमा राखेर सुशासन, स्थानीय विकास र सामाजिक न्यायमा ध्यान दिने हाम्रो मुख्य लक्ष्य हो। यसपटक मतदाताले परिवर्तन र निष्ठा चाहेका छन्, र म आफ्नो अनुभव र क्षमतासँग त्यसलाई पूरा गर्नेछु।”
उनको दाबी अनुसार, क्षेत्रीय विकास, रोजगारी, शिक्षा र स्वास्थ्य सुधारमा जोड दिँदै उनले स्थानीयस्तरमै ठोस परिणाम दिन सक्ने क्षमता र योजना राखेका छन्। यसले उनलाई क्षेत्रका मतदातामाझ विश्वासिलो र जिम्मेवार उम्मेदवारको रूपमा प्रस्तुत गरेको छ।
थापाले जनतासँग प्रत्यक्ष संवाद गर्दै सार्वजनिक भलाइ, पारदर्शिता र सुशासनको प्रत्याभूति दिने प्रतिबद्धता जनाएका छन्। उनका समर्थकहरू पनि यस पटक नयाँ नेतृत्व र सकारात्मक परिवर्तनको संकेतको रूपमा उनलाई उत्साहित गर्दै आएका छन्।
प्रकाशित मिति: २०८२ फाल्गुन ८ गते
