नेकपा एमालेका नेता तथा मायादेवी गाउँपालिकाका पूर्व अध्यक्ष बजरंगी कुर्मी चौधरीले पार्टी परित्याग गरेका छन् । जिएनजी आन्दोलनको मर्म अनुसार पार्टी संगठनलाई प्रभावकारी रुपमा अघि बढाउन नसकेको भन्दै उनले एमाले परित्याग गरेको घोषणा गरेका हुन् ।
नेता चौधरीले पार्टीभित्रको संगठनात्मक कमजोर अवस्थाका कारण आफूले एमालेबाट अलग हुने निर्णय लिएको जनाएका छन् । पार्टी परित्यागसँगै उनले कपिलवस्तु – १ मा स्वतन्त्र उम्मेदवार आशिष शर्मालाई सघाउने तयारी गरेको बुझिएको छ ।
मायादेवी गाउँपालिकाका पूर्व अध्यक्ष समेत रहेका चौधरीको यस निर्णयलाई स्थानीय राजनीतिमा महत्वपूर्ण रुपमा हेरिएको छ । सो क्षेत्रमा उनको प्रभाव रहेकाले स्वतन्त्र उम्मेदवारलाई समर्थन गर्ने निर्णयले चुनावी समीकरणमा असर पार्ने अनुमान गरिएको छ ।
स्थानीय राजनीतिक वृत्तमा नेता चौधरीको पार्टी परित्याग र नयाँ समर्थन घोषणाले कपिलवस्तु–१ को चुनावी प्रतिस्पर्धा थप रोचक बन्ने देखिएको छ ।
प्रकाशित मिति: २०८२ फाल्गुन ५ गते
