कुरा नेपाल कपिलवस्तु।
जिल्लामा क्रिकेटप्रेमीहरूका लागि उत्साहजनक खेलको आयोजना हुने भएको छ । बुद्धभूमि नगरपालिकाको धानसौलीमा आयोजना हुन लागेको जिल्ला स्तरिय क्रिकेट प्रतियोगिता माघ ५ गते देखि १० गतेसम्म सञ्चालन हुने भएको छ।
प्रतियोगितामा पुरुष अन्डर-१७ ब्याडमिन्टन प्रतियोगितासहित क्रिकेट खेल समावेश हुनेछ। सहभागी हुनका लागि खेलाडीहरूले १,१०० रुपैयाँ शुल्क तिर्नुपर्ने व्यवस्था गरिएको छ।
प्रतियोगितामा प्रथम पुरस्कार विजेतालाई कप, मेडल, प्रमाण-पत्र र रु १५,००० नगद प्रदान गरिनेछ भने दोस्रो पुरस्कार विजेतालाई कप, मेडल, प्रमाण-पत्र र रु ९,००० नगद प्रदान गरिनेछ।
प्रतियोगिताका नियम अनुसार एल.बी.डब्ल्यू बाहेक सबै नियम लागू हुने, निर्णायकको निर्णय अन्तिम मानिने, कुनै पनि विवादमा क्रिकेट समितिको निर्णय मान्य हुने, खेलाडी आफैं जिम्मेवार हुने र म्याच मेनेजरले मेडलको व्यवस्था गर्ने जस्ता व्यवस्था गरिएको छ।
प्रतियोगिता बुद्धभूमि नगरपालिका न.पा.–८, धानसौलीमा आयोजना हुने भएकोले यहाँका स्थानीय युवा र क्रिकेटप्रेमीले उत्साहका साथ तयारी थालेका छन्। पहिलो म्याच १०/१० ओभर र फाइनल म्याच १२/१२ ओभरको हुने आयोजकले जनाएको छ।
श्री साजन सप्लायर्स, बुद्धभूमि नगरपालिका–२ गोरुसिंगेको आयोजना प्रतियोगिता संचालन हुनेछ। प्रतियोगितामा सहभागी हुन इच्छुक खेलाडीहरूले सम्बन्धित सम्पर्क नम्बर ९८२७८६७९७८ / ९८०५०९९९४५ / ९७०६०५६३७३ बाट जानकारी लिन सक्नेछन्।
प्रकाशित मिति: २०८२ माघ १ गते
