नेपालीहरुको महान पर्व बडादशैंको मुख्य दिन विजयादशमी आज देशभर धूमधामसहित मनाइँदैछ । यस दिन मान्यजनको हातबाट टीका र जमरा ग्रहण गरी आशीर्वाद लिने परम्परा रहिआएको छ।
नेपाल पञ्चाङ्ग निर्णायक विकास समितिका अनुसार यस वर्ष टीका लगाउने उत्तम साइत बिहान ११:५३ बजे रहेको छ। टीका ग्रहण गर्दा व्यक्तिले पूर्वतर्फ र लगाइदिने व्यक्तिले पश्चिमतर्फ फर्किनुपर्ने धार्मिक विधि मानिन्छ।
यस्तै, समितिले दिएको जानकारीअनुसार देवी विसर्जनको साइत बिहान ९:२३ बजे रहेको छ। विसर्जन सम्पन्न भएपछि दिनभर दुर्गा भवानीको प्रसाद ग्रहण गर्न सकिने भए पनि साइत खोज्नेका लागि बिहान ११:५३ बजे नै विशेष शुभ मानिएको छ।
प्रकाशित मिति: २०८२ आश्विन १६ गते
