काठमाडौं ।
शिक्षा, विज्ञान तथा प्रविधिमन्त्री महावीर पुनले आफूलाई केही दिन अनावश्यक फोन र मेसेज नगर्न आग्रह गरेका छन्।
मन्त्री पुनले बुधबार बिहान सामाजिक सञ्जालमार्फत जानकारी दिँदै, हाल मन्त्रालयमा सिर्जनशील र प्रभावकारी टिम गठनमा व्यस्त रहेकाले फोन र सन्देशले ध्यान विचलित हुने उल्लेख गरेका छन्।
उनले लेखेका छन्,
“अस्तिदेखि मोबाइल, मेसेन्जर र ह्वाट्सएपमा हजारौं कल र मेसेज आइरहेका छन्। म अहिले मन्त्रालयमा एउटा गतिलो र सिर्जनशील टिम बनाउन व्यस्त छु। त्यसैले केही दिनका लागि अनावश्यक फोन नगर्न र मेसेज नपठाउनु होला।”
https://www.facebook.com/mahabir.pun/posts/10163813863535479?ref=embed_post
पुनले अत्यावश्यक काम परेमा सम्बन्धित माध्यमबाट संयमित रूपमा सम्पर्क राख्न पनि सुझाव दिएका छन्।
प्रकाशित मिति: २०८२ आश्विन ८ गते
