कपिलवस्तु – बुद्धभूमि नगरपालिका–४, डाबरामा जारी तेस्रो डबरा कप २०८२ अन्तर्गत आज दुई रोमाञ्चक खेलहरू हुँदै छन्। प्रतियोगिताको सेमिफाइनल प्रवेशका लागि पहिलो खेल दिउँसो १ बजे पारिजात पब्लिक स्कुल र युनिक स्पोट, शिवराजबीच हुने आयोजकले जानकारी दिएको छ।
पहिलो खेलपछि दोस्रो खेल दिउँसो ३ बजे हन्टर ब्वायज, बाणगंगा र K.J.Y.C, बुद्धभूमीबीच हुने तय गरिएको छ।
डाबरा खेलमैदानमा सञ्चालन भइरहेको यो कप प्रतियोगिताले स्थानीय युवा प्रतिभा उजागर गर्ने अवसर प्रदान गर्दै आएको आयोजकको भनाइ छ। तेस्रो संस्करणमा लुम्बिनी प्रदेशका विभिन्न जिल्लाकाचर्चित युवा टोलीहरूको सहभागिता रहेकाले प्रतिस्पर्धा रोमाञ्चक हुँदै गएको क्लवका अध्यक्ष कमल काफ्लेले बताए।
स्थानीय दर्शकको उल्लेख्य उपस्थिति र उत्साहबीच प्रतियोगिता दिनप्रतिदिन झनै प्रतिस्पर्धात्मक बन्दै गएको आयोजकले जनाएको छ।
प्रकाशित मिति: २०८२ आश्विन ४ गते
