काठमाडौं, भदौ २४ – नेपाल विद्यार्थी संघ (नेविसंघ) ले मंगलवार बानेश्वरमा विरोध प्रदर्शन गरेको छ। प्रदर्शनकारीहरूले ‘संविधानको रक्षा गर’, ‘विदेशी हस्तक्षेप बन्द गर’, ‘राष्ट्रपतिलाई सार्वजनिक गर’ लगायतका नारा लेखिएका प्लेकार्ड बोकेर सडकमा जुलुस निकालेका हुन्।
प्रधानमन्त्री केपी शर्मा ओलीले जेनजी आन्दोलनको चर्को दबाबपछि आजै राजीनामा दिएका छन्। यसअघि सोमबार र मंगलबार राजधानीमा भएको विरोध प्रदर्शनका क्रममा सिंहदरबार, संसद् भवन, सर्वोच्च अदालत र राष्ट्रपति निवाससम्म आगजनी भएका थिए।
राजनीतिक नेताहरूको निवासमा तोडफोड, आगजनी र लुटपाटका घटनाहरू बढेसँगै स्थिति नियन्त्रणमा लिन नेपाली सेना मंगलबार राति १० बजेदेखि सुरक्षाका लागि परिचालित गरिएको छ।
प्रकाशित मिति: २०८२ भाद्र २६ गते
