यसैबीच, वाणगंगा नगरपालिका-४ स्थित बुद्ध रंगशालाबाट सुरु भएको र्‍यालीमा क्षेत्र नम्बर १ का विभिन्न स्थानबाट हजारौं समर्थकको सहभागिता रहेको थियो । र्‍याली चार नम्बर चोक, गजेहडा, ओदारी, जहदी, पकडी, लबनी र कोरियाचोक हुँदै प्रगतिनगर पुगेर कोणसभामा परिणत भएको थियो । र्‍यालीभरि ‘विकास, सेवा र समृद्धिको प्रतीक तारा चिन्ह’ का नारा गुञ्जिएका थिए । सहभागीहरूले पार्टीका झण्डा तथा ब्यानरसहित उत्साहपूर्ण सहभागिता जनाएका थिए ।

कोणसभामा कुँवरले क्षेत्रको समग्र विकास, रोजगारी सिर्जना, कृषि आधुनिकीकरण तथा स्वास्थ्य र शिक्षामा गुणस्तरीय सुधार आफ्नो प्राथमिकता रहेको बताए । विगतमा अधुरा रहेका योजना पूरा गर्ने प्रतिबद्धता व्यक्त गर्दै उनले मतदातालाई तारा चिन्हमा मतदान गर्न आग्रह गरे । “अब कपिलवस्तु–१ मा परिवर्तनको आवश्यकता छ। जनताको विश्वासलाई सम्मान गर्दै पारदर्शी र जवाफदेही नेतृत्व दिन्छु,” उनले भने ।

कार्यक्रममा पूर्व मन्त्री चक्रपाणी खनाल (बलदेव) ले पनि सम्बोधन गर्दै कुँवर विकासप्रेमी र इमानदार उम्मेदवार भएको दाबी गरे । क्षेत्रको दिगो विकासका लागि सक्षम नेतृत्व आवश्यक रहेको उल्लेख गर्दै उनले मतदातालाई एकताबद्ध हुन आग्रह गरे ।कपिलवस्तु–१ मा यसपटकको निर्वाचन प्रतिस्पर्धात्मक बन्दै गएको छ । विभिन्न दलका उम्मेदवारहरूले घरदैलो, सभा तथा र्‍यालीमार्फत मतदातालाई आकर्षित गर्ने प्रयास तीव्र बनाएका छन् । फागुन २१ गते हुने मतदानलाई लक्षित गर्दै चुनावी गतिविधि दिनप्रतिदिन बढ्दै गएको छ भने मतदाताको चासोसमेत उल्लेखनीय रूपमा बढेको देखिन्छ ।